@@ســأكــت يـأوطـــن @@

اقل ما اكتبه لوطني الغالي

يا عراق شبيك

ساكت ياوطن

ساكت ياوطن والحركَه تاكل بيك
لو خايف بعد والسكته من خوفك

من حرب الحرب جبنه العمر وياك
من اكل الجثث ما ينترس جوفك

مابيك الذنب كَول الذنب چا وين
يمكن نعتذر لو نفهم ظروفك

چنت المدرسه وبيك الشعب طلاب
وبس دك الجرس شو فارغه صفوفك

تقبل ياوطن يرضيك هذا الحال
ناسك للأسف تتراكض تعوفك

وتقبل ياوطن شبانك الحلوين
تتغرب غصب تحرمهه من شوفك

جاوب لا تظل ساكت يبو الثورات
عشرينك بعدهه اتعيش بطيوفك

من طور الحزن ملينه ما ملّيت
چاطور الفرح ما تعزف دفوفك

من ريد الفرح بس كون ريدك سيف
موعيب بغمد وتنامهه اسيوفك

بايكَ ما صرت ما خاف من جلاد
مو هذا شعارك هذه معزوفك

چاشنهو التغير يا عراق شبيك
مو چانت دول ما تنطق حروفك

نعتب ياوطن من حبنه الك والله
شفناكم نهر عطشان بجروفك

ومن نصحك لأن صدكَنه كلنه اخطاء
يا بيت الكرم نتسمّه بضيوفك

أصفن ويه نفسك راح تعرف زين
لو ما تنتفض چاضاع معروفك

عذراً يا وطن بس ثور حتى نثور

لو تكَضي العمر ولقيد بچفوفك
لو تكَضي العمر ولقيد بچفوفك

ملاحظه ... !؟

مانقصدوطن يعني الوطن بالذات

بعيون البشر هم موطن نشوفك
بعيون البشر هم موطن نشوفك

تحياتي

بنت ألعراق

يسلموخيتو بنت ألعراق على هذهِ الكلمات الجميله
يعطيكِ العافيه

يسلمووو على المرور الرائع

منووور عيني مودي